අඹ ප්‍රශ්නය

අඹ ප්‍රශ්නෙ කියපු ගමන් කාට කාටත් මතක් වෙන්නෙ මිහිඳු මහ රහතන් වහන්සෙ ත්ස්ස රජතුමාගෙන් අහපු ප්‍රශ්නනෙ. ඒත් මේක වෙන ප්‍රශ්නයක්. පොඩි කවියක් (වගේ එකක්) තියෙනව.

හොරු හතළිස් හතරක් අඹ පනහක් සොරාගෙන
ඉන් දහයක් එක සොරෙකුත් සොරාගෙන
ඉතිරිය සමසේ බෙදාගෙන


මේ අඹ බෙදද්දි එක අඹයක් වත් කපන්න බෑ. අමාරු ප්‍රශනයක් නෙමෙයි. ඒ නිසා කරන්න ඕනෙ මොකක්ද කියල කියනන් බැහැ. අමාරුයි වගේ නම් වෙන විදියකට හිතල බලන්නකො...

පිළිතිර ;

"ඉන් දහයක් එක සොරෙකුත් සොරාගෙන" කියන පදය "ඉන් ද හයක් එක සොරෙකුත් සොරාගෙන" කියල වෙනස් වුණාම හරී. ඇනෝ හරි පිළිතුර දීල තියෙනවා.

Google එකේ ලස්සන වැඩ ටිකක්...

අද නම් ගානක් දාන්න නෙමෙයි මම ආවේ.Google එකෙන් කරන්න පුළුවන් පොඩි tricks වගයක් ගැන කියන්න.

ඒහැම දේම බලාගන්න නම් Google search box එකේ පහලින් දාල තියෙන විදියට type කරලා,  " I'm feeling lucky " click කරන්නයි තියෙන්නේ.Google instant ,active කරලා නම් තියෙන්නේ,  search කරද්දී එන suggestion එක ඉස්සරහින් තියෙන "I'm feeling lucky ", link එක click කරන්න.

1. " do a barrel roll "
     මෙහෙම type කරලා ටිකක් වෙලා බලන් හිටියම screen එක 360° කින් භ්‍රමණය වෙනවා බලාගන්න පුළුවන්.:P

2. " Google underwater "
     මේකෙන් Google වතුරේදී තියෙන විදිය බලාගන්න පුළුවන්.වතුරේ තියෙන search box එකේ අපිට ඕනේ දේ type කලාම, ඒවාට අදාල pages වතුරට වැටෙනවා.:D

3. " Google guitar "
     මෙහෙම type කලාම, ඔයාලට Google එක වෙනුවට Guitar එකක් දකින්න පුළුවන්.ඒක play කරන්නත් පුළුවන්. :)

4. " Google gravity "
     මේ විදියට type කරලා, ටිකක් වෙලා බලන් ඉන්න ඕනේ.එතකොට පෙනෙයි screen එකේ තියෙන හැමදේම බිමට වැටෙනවා.ඒ වැටෙන කොටස් අපිට ඕනේ නම් උඩට අදාල අරන් ආපහු අත්හැරල දාන්නත් පුළුවන්. :P

5. " elgoog " හෝ " Google backwards "
     මෙහෙම type කලාම, google home page එක mirror image එකක් වගේ බලාගන්න පුළුවන්.:)

6. " epic google "
     මෙහෙම type කලාම Google search box එක සහ, ඒ එක්ක තියෙන අනිත් buttons ටිකෙන් ටික ලොකු වෙනවා ( shrink වෙනවා ) බලාගන්න පුළුවන්.:)

7. " Weenie google "
     මෙහෙම type කලාම ඉස්සෙල්ල epic google එකේ විරුද්ධ පැත්ත බලාගන්න පුළුවන්.ඒ කිව්වේ, google search box එක සහ අනෙක් buttons ටිකෙන් ටික පොඩි වෙනවා.:)

8." askew "
    මෙහෙම type කලාම page  එක ටිකක් ඇද වෙනවා බලාගන්න පුළුවන්:)

9. " Google reverse "
    මෙහෙම type කලාම Google , reverse වෙලා (පැත්තකට වැටිලා) තියෙනවා බලාගන්න පුළුවන්.:)

10. " Google upside down "
    මෙහෙම type කලාම,Google  upside down වෙලා තියෙන බලාගන්න පුළුවන්.:P



මේ මම ලිව්වේ google එකේ තියෙන tricks ටිකක් නේ.තව හොයාගත්තොත් ඉස්සරහට post එකක් දාන්නම්.

මීට අමතරව තව දෙයක් හම්බවුනා.මේ දවස්වල ජනප්‍රිය dance එකක් ගැන.

Youtube එකට ගිහින් ඒකෙ search box එකේ " do the harlem shake " කියල type කරලා search button එක click කරලා ටිකක් වෙලා බලන් ඉන්නකෝ... :D
Youtube, logo එක මුලින්ම නටනවා පෙනෙයි. හැබැයි පස්සේ තමයි හොඳම ටික. මුළු page එකම නටයි !
හි හි.... ඔයාලම බලන්නකෝ ! :P

වෙලාව කීයද ?

එක එක වැඩ නිසා කාලෙකින් බ්ලොග් එක පැත්තෙ එන්නත් බැරි වුණා.  ඔන්න එහෙනම් අයෙත් අද ඉඳන් ඉස්සර වගේම සතියට එක ගානක් වත් දාන්නම්කො. පුළු පුළුවන් විදියට ඇවිත් හදන්න උත්සහ කරන්න. දැන් අද ගාන බලමුකො.

චාමර එදත් වෙනද වගේම වැඩට යන්න ලෑස්ති වුණා. ගෙදර කන්නාඩිය ඉස්සරහට ගියපු චාමර කණ්නාඩියෙන් ඔරලෝසුවෙ ප්‍රතිබිම්භයක් දැක්ක. ඔරලෝසුවේ වැරද්දක් තියෙනවා කියල උපකල්පනය කරපු මෙයා බයික් එකට නැගල වැඩට ගියා. විනාඩි 20ක ගමනින් පස්සෙ කර්යාලෙට ගියපු චාමර කාර්යාලෙ ඔරලෝසුවෙ වෙලාව ගෙදර කණ්නාඩියෙන් දැකපු වෙලාවට වඩා පැය 2  1/2ක් ( පැය 2 මිනිත්තු 30 ක් ) වැඩි බව දැක්ක.
චාමර කර්යාලෙට ආව වෙලාව කීයද ?


පිළිතුර;

ජෝංබාස් හරි පිළිතුර දීල තියෙතව.

කණ්නාඩියෙන් ප්‍රතිබිම්භයක් හැදෙනකොට වෙනස් වෙන්නේ නැති වෙලාවල් 2ක් තියෙනවා. ඒ 12.00 , 06.00. ඉතින් වෙන ඕනෙම වෙලාවක් කන්නාඩියෙන් බලනකොට වෙනස් වෙන්නේ මේ වෙලාවල් 2 වටේට  සමමිතිකව. සාමාන්යෙන් 12ට වැඩට යන්නේ නැති නිසා 6.00 ආසන්නයේ වෙලාවක් කියල ගමු. 
ගමනට විනාඩි 20ක් ගියපු නිසා ගෙදරින් පිටත් වෙන කොට හරි වෙලාවයි ප්‍රතිභිම්බයි අතර  පරතරය පැය 2යි විනාඩි 10යි. ඒක 2න් බෙදල 6:00න් දෙපැත්තට  දාන්න ඕනෙ. ඒ කිව්වේ 6:00න් පැය 1යි විනාඩි 05ක් අඩු කරාම ගෙදරින් එද්දි කණ්ණාඩියේ පෙන්නපු වෙලාවත්, 6:00ට පැය 1යි විනාඩි 05ක් එකතු කරල හරි වෙලාවත් හොයා ගන්න පුළුවන්. 

චාමර ගෙදරින් ඇවිත් තියෙන්නේ 7:05ට. ඉතින් වැඩට එද්දී වෙලාව 7:25යි.

සංඛ්‍යාව සොයන්න

යම් ඉලක්කම් තුනේ (3) සංඛ්‍යාවක් ඇත.එහි මුල් ඉලක්කම් දෙකේ (2) ස්ථාන මාරු කල විට , මුල් සංඛ්‍යාවට වඩා සියයට විස්සකින් ( 20% ) වැඩි සංඛ්‍යාවක් ලැබේ.

මුල් සංඛ්‍යාව කුමක් ද?


 පිළිතුර ;

 450 
හස රැල් හරි උත්තරේ දීලා තියෙනවා.

මුහුණු පොතේ chat එකෙන් කැමති පින්තූරයක් යවමු.

අළුත් අවුරුද්දෙ හා හා පුරා කියල දාන පෝස්ට් එක. යාළුවන්ට අවුරුද්දට වෙනස් විදියකට සුභ පතන්න හොඳ ක්‍රමයක්.

මුහුණු පොතේ chat කර කර ඉන්නකොට සමහර යාළුවො පින්තූර එවනව දැකල ඇතිනෙ. ලඟදි දවසක මටත් එහෙම පින්තූරයක code එකක් හමු වුණා. ඕක දැකපු වෙලේ තමා අපි කැමති පින්තූරයකට code එකක් හදන හැටි හොයන්න හිතුණෙ. මුලින්ම හොයාගත්ත විදිය නම් ටිකක් සංකීර්ණයි. මේ වීඩියෝ එක බලල පුළුවන් නම් උත්සාහ කරන්න.

දැන් ඉතින් ඕක අමාරුයි කියල අත ඇරල දාන්න ඕනෙ නෑ. තව ලේසි ක්‍රමයක් තියෙනව. හැබැයි මේ වැඩේට මතක ඇතුව පොඩි පින්තූරයක් තොරගන්න. නැත්නම් ඉතින් හිස් කොටු ටිකක් තමා එන්නෙ. පින්තූර විතරක්ම නෙමෙයි. ලස්සනට පාට පාට අකුරු ලියන්නත් පුළුවන්. එහෙනම් මෙතෙන්ට ගිහින් කියල තියෙන විදියට කරල බලන්නකො.

නැති වුණ ටොෆිය

ඔක්කොටම කලින් මේ පැත්තෙ ආපු නාපු හැමෝටම සුභම සුභ අළුත් අවුරුද්දකට සුභ පතනව.

මේ අළුත් අවුරුද්දෙ ඉඳන් අපිත් පොඩ්ඩක් වෙනස් වෙන්න හිතුව. හැමදාම ප්‍රශ්න අහන්නෙ නැතිව වෙන මොනව හරිත් ලියන්න තමයි හිතන් ඉන්නෙ.  තාම මොනව ලියනවද කියල නම් හිතල නැහැ. කොහොම වුනත් සතියකට සැරයක් පුරුදු විදියටම පුශ්නයකුත් අහනව.

හරි එහෙනම් අද ප්‍රශ්නෙ අහන්නම්කො.

ඔන්න තාත්තල දෙන්නෙක් එයාලගෙ පුතාල එක්ක කඩේකට ගියා. එයාල එක්කෙනා එක ගානෙ ටොෆී ගත්ත. ගෙදර ආවම ටොෆී 3යි තිබුනෙ. මේක වුණේ කොහොමද?
කවුරුවත් ටොෆි කාලවත් නැති කරගෙන වත් නැහැ.

ආච්චිගෙ වයස හොයමු.

දවසක් කසුන්ට එයාගෙ ආච්චිගෙ වයස හොයන්න ඕනෙ වුණා. ඉතින් මෙයා ගිහින් ආච්චිගෙන් ඇහුවම ආච්චි කෙලින් උත්තරයක් දුන්නෙ නැහැ. මෙන්න මෙහෙම තමා උත්තර දුන්නෙ.

" මට ළමයි 6 දෙනෙක් ඉන්නවා. ඒ හැම දෙන්නෙක් අතරම වයස පරතරය අවරුදු 4ක්. පළවෙනි ළමය ඉපදෙද්දි මගේ වයස අවරුදු 19ක්. දැන් බාලම ළමයගේ වයස අවරුදු 19ක්. "

දැන් ඉතින් ආච්චිගෙ වයස හොයල comment එකක් දාල යන්න අමතක කරන්න එපා. අකමැත්තක් නැත්නම් blog එක follow කරලම යන්න.